Ултрамаратонецот, Тони Манев од Штип утринава во Швајцарија го започна својот најголем предзвик. Манев во 8 часот ја почна „Crossing Switzerland 400K“ или екстремната ултра-трка која води од Лихтенштајн до Франција, поминувајќи низ Алпите.
Штипскиот ултрамаратонец Манев треба да помине 400 километри, со 25.000 метри висинско искачување, траса што важи за една од најтешките и бара исклучителна физичка и психичка подготвеност.
-Недела 08.00ч, старт на едно ново доживување, од Лихтенштајн до Франција, низ Швајцарските Алпи, 400 километри со 25.000 метри висинско искачување. Благодарност до Влатко Јакимов и твоите емигранти благодарение на Ми60 најзаслужните што сум тука, и како по случајност уште еден емигрант Алекс Хадад човекот од Јужна Африка кој емигрирал во Швајцарија. Повторно заедно по 2 години по успешната Eiger 270k- напиша на фејсбук Манев.
