Општина Куманово ги информира граѓаните дека утре, 21.07.2026 година (вторник) по трет пат, ќе се изврши терестичка дезинсекција (против возрасна форма на комарци) Третманот како што соопштуваат ќе започне на полноќ, и ќе се одвива до раните утрински часови.
Со третманот ќе бидат опфатени повеќе локации, почнувајќи од течение на реката Кумановка од Кумановска бања, преку село Проевце, месност наречена „Бејтови ниви“, по должината на кејот на река Кумановка, површини под бавчи од другата страна на реката, по должината на булеварот „Октомвриска револуција“, на површините околу градскиот парк и улицата „Никола Тесла“, покрај реката во реонот на ООУ „Толи Зордумис“, во „Диво Насеље“, по текот на реката во село Романовце, градски гробишта, „Зелен рид“, по должина на булеварот „Трета МУБ“ и улицата 1″1 Октомври“, со посебен акцент на ЈЗУ општа болница – Куманово, низ централното градско подрачје, по текот на Серава, населбата „Перо Чичо“ и други локации низ градот.
-Во процесот на терестичката дезинсекција ќе се користи препаратот „ЦИТРОЛ УЛВ“-информираа од општината.
Во случај на неповолни временски услови, третманот ќе биде одложен до првиот нареден ден, кога временските услови ќе дозволат да се реализираат планираните активности. Општина Куманово за услуги кои се извршуваат неколку пати во годината, за запрашување против инсекти, дезинсекција, дератизација против крлежи, лебарки, комарци и глодари од општинскиот буџет оддели над еден милион денари (1.112.400,16). Куманово преку друг тендер избра компанија и авионска деизинскеција а за што одвои над 1, 5 милиони денари од буџетот (1.569.376,40)
