Во Стопанската комора денеска ќе се одржи работен состанок посветен на промоција на мерката „Поддршка за креирање нови работни места“ – подмерка „Вработување и раст на правни субјекти“, од Оперативниот план за вработување за 2026 година.
На состанокот ќе присуствуваат заменик-министерот за економија и труд, Марјан Ристески и претставници од Министерството за економија и труд, Стопанската комора, Стопанската комора на Северозападна Македонија и Сојузот на стопански комори на Македонија.
Како што најавува Стопанската комора, ќе се разговара за можностите што оваа мерка им ги нуди на компаниите за отворање нови работни места и за поттикнување на растот на микро, малите и средните претпријатија.
