Пробиштип повторно ќе пулсира во ритамот на добрата забава. На 24 и 25 јули, платото на Градскиот пазар ќе биде центар на најдобрата летна атмосфера-соопштуваат од Oпштина Пробиштип.
Од Општина Пробиштип информираат дека фестивалот ќе понуди богата музичка програма и гастрономска понуда, создавајќи атмосфера за сите генерации.
Програмата во двата фестивалски дена ќе започнува во 20:30 часот. На сцената ќе настапат Ленче Кукиќ, Симона Поповска, Бендот на Владимир Поповски, „Куку Леле“, DJ Боно, Спасен Силјановски, Ана Петан Бенд и Влатко Лозановски.
Организатор и покровител на „Летниот фестивал“ е Општина Пробиштип, која ги поканува граѓаните и посетителите да бидат дел од дводневната летна манифестација исполнета со музика, забава и дружење.
