Почна трката за генерален секретар на ОН, шест кандидати ги претставија приоритетите

Шест кандидати за функцијата генерален секретар на Обединетите нации синоќа ги претставија своите приоритети на дебатата организирана пред Генералното собрание на светската организација. Официјално пријавени кандидати се: генералниот директор на Меѓународната агенција за атомска енергија, Рафаел Гроси; поранешниот претседател на Сенегал, Маки Сал; дипломатката од Костарика, Ребека Гринспан; постојаната претставничка на Гвајана во ОН, Каролин Родригес-Биркет; поранешната претседателка на Чиле, Мишел Бачелет; и поранешната претседателка на Генералното собрание на ОН, Марија Фернанда Еспиноса од Еквадор. Дипломатите во ОН засега немаат издвоено јасен фаворит, а во трката би можеле да се вклучат и други кандидати.