На граничните премини Богородица и Дојран се бележи зголемена фреквенција на возила, времето на чекање за излез од државата е 40-ина минути, а на преминот Табановце времето на чекање за влез во државата е 40-ина минути – информира АМСМ.
На другите гранични премини од македонска страна нема подолги задржувања за влез и излез од државата. АМСМ укажува дека на грчката страна од премините времето на чекање постојано варира и вообичаено е подолго.
Сообраќајот на државните патишта се одвива непречено, по суви коловози.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
На државните патишта во сила е летен привремен режим на сообраќај, со кој се забранува движење тешки товарни возила со вкупна маса над 15 тони за време на деновите од викендот и за денови при екстремно високи температури.
