Мобилниот телефон станува новиот паричник на македонците. Наместо во готовина и со платежни картички, граѓаните се почесто плаќаат со дигиталните паричници на телефоните.
Најголем број од платежните трансакции во првиот квартал од 2026, или 73 проценти, според податоците на Народна Банка, се извршени преку мобилни апликации, што е доказ дека тој преовладува како најбрзо и наједноставно платежно средство кај граѓаните.
Дигитализираните картички учествуваат со 17,9% во вкупниот број издадени платежни картички во земјата, а преку секоја дигитализирана картичка се извршени, во просек, 4 трансакции со мобилен телефон во земјава, што укажува на постојано зголемување на користењето на мобилните плаќања и промена на навиките на граѓаните во полза на користењето на придобивките од дигитализацијата. -се вели во соопштението на Народна Банка.
Најновите податоци на Народна банка за првите три месеци од 2026 година покажуваат двоцифрен раст на вкупните електронски плаќања и по бројот на трансакции и по нивната вредност.
Бројот на плаќањата со картички е поголем за 12,2%, а нивната вредност за 14,5%. Растот кај бројот на плаќањата произлегува пред сѐ од платежните трансакции направени преку интернет (18,7%), како и од плаќањата на физичките места на продажба (11,7%). – покажуваат податоците на Народна Банка.
Електронските плаќања и платежните картички заземаат се познајачно место во секојдневните платежни навики на граѓаните, покажува Платежната статистика на Народна Банка. Овие растечки трендови се дополнително стимулирани и од дигиталните решенија што ги воведуваат банките.
