Од измеќарите и полтроните на СДСМ, речиси 6 години постојано сум предмет на клевета,поклониците на СДСМ Се обидуваат да го нарушат мојот углед и чест со тоа што континуирано објавуваат лаги, конструираат случаи и на таков начин мисат дека ќе опстојат повеќе на политичката сцена-порачува претседателот на ВМРО-ДПМНЕ, Христијан Мицкоски за случајот Делчевски ниви.Основното јавно обвинителство донесе одлука за запирање на истрагата во која беше опфатен и лидерот на опозицијата Христијан Мицкоски. Констатирале дека нема никакви докази за наводни кривични дела.
- „И сведоци сме дека и ова октроирано обвинителство и судство, партизирано обвинителство и судство носи одлука за прекин на истрагата поврзана со овој случај. Затоа што откако ги сослушале исказите на лицата кои се осомничени, откако ги ислушале исказите на лицата кои се сведоци, откако ги прибавиле сите материјални докази кои се дел од оваа истрага донеле заклучок дека нема докази кои упатуваат на одобрено кривично дел. Дека не постои сторено кривично дело, а моето име, ниту пак ВМРО-ДПМНЕ како политичка партија на било каков начин се дел од овој гнасен, монструозен и клеветнички чин кој заедно СДСМ се обиде преку октроираното обвинителство и судство да го конструира и објави на денот кога требаше оваа Влада на СДСМ и ДУИ да биде минато, а тоа беше 11 ноември 2021 година“,рече Мицкоски.
Обвинувањата пропагирани преку провладини медиуми беа дека парите од нивите во Делчево допираат до ВМРО-ДПМНЕ,иако обвинителството ја запре истрагата, министерката за одбара Петровска која прстот го впери во Мицковски за наводна негова вмешаност во случајот “Делчевски ниви”,нема намера да му се извини.
- “Не, немам намера никому да се извинувам за тоа што сум го кажала,заради тоа што не мислам дека треба да се извинуваме за политички ставови и мислења,ова е демократска држава, а ако некого сум навредила да, меѓутоа до сега немам никого навредено”-рече Петровска.
Наскоро има уште еден таков случај со уште една политичка партија во улога на слуга и измеќар да ме клевети и тие ќе имаат простор да се извинуваат, посоча Мицковски.Тој апелира до опозицијата,оваа пракса на клеветење да престане.
Новинар Росица Голабоска
Снимател, монтажа Златко Маневски