Секоја инфраструктурна инвестиција носи подобар живот за граѓаните. За 2 години се работи на повеќе од 300 инфраструктурни проекти, водоводи, канализации, пречистителни станици и системи за заштита од поплави. Експертите велат дека ваквите инвестиции не само што ќе донесат придобивки за граѓаните, туку ќе придонесат и за подобра заштита на животната средина.
„Прво нема да има излевање на водата при обилни дождови, нема да може да се нанесе директна штета на станбените објекти каде што живеат граѓаните во тие општини каде што се градат, а втората работа е што површините каде што се одгледуваат одредени земјоделски култури или каде што има производствени капацитети или некакви други капацитети нема да се оштетат. “– вели аналитичарот Синиша Пеќевски.
Експертите, сепак, посочуваат дека на долг рок подеднакво важно е проектите соодветно да се одржуваат.
„Нема да се дозволи загадување на водата и сите оние отпади со пречистителните станици нема да се дозволи да се загадува водата и почвата бидејќи со овие инвестиции во пречистителните станици сите тие отпадни води ќе завршуваат на едно место каде што ќе може да се преработат со цел да не се загадува покрај реките, а второ да не се загадува и почвата која е извор на храната кој се произведува во тие региони.“– вели Пеќевски.
Власта потсетува дека надлежните продолжуваат со реализација на проекти за подобрување на водоснабдувањето, канализациската инфраструктура и заштитата на животната средина. Најавуваат дека ќе продолжат со инвестиции кои, според нив, треба да придонесат за подобар квалитет на живот на граѓаните. Меѓу проектите се регулацијата на коритото на Сува Река, изградбата на канализацискиот систем во Враништа, пречистителната станица во Чучер Сандево, како и реконструкцијата на дел од водоводната мрежа во Скопје и новиот водоснабдителен систем во Лениште.
