Реконструкцијата на Владата носи ново политичко освежување во извршната власт. Експертите оценуваат дека владините промени ќе ја зајакнат стабилноста на коалицијата и ќе внесат нова енергија во работата на ресорите. Според нив, Премиерот покажа дека има коалициски капацитети и го спроведе тоа на најдобар можен начин.
„Очигледно е дека реконструкцијата на Владата пред се не покажа внатрешни проблеми во функционирањето на коалицијата, не покажа дека има одредени проблеми помеѓу трите клучни партнери, како што веројатно се надеваше опозицијата, туку видовме дека ова беше брз краток процес воден од прв до последен ден од Премиерот без мешања од коалицијата. Наликуваше на менаџерска промена на ресори со цел да се наградат кандидати кои покажале амбиции во првите две години.“- вели политичкиот експерт Цветан Чилиманов.
Најголемото изненадување, според аналитичарите се промените во ресорите здравство и култура. Експертите посочуваат дека и покрај амбициите кои ги покажал министерот за здравство сепак ВМРО превзема одговорност за едно од најголемите и клучни министерства.
„Министерството за демографија и млади каде што гледаме дека и премиерот покажува интерес на темата демографија. А од друга страна овие министерства се одземени од Влен, од од друга страна и Влен доби три ресори. Влен доби алатки да продолжи со обелоденување, со промени на ресорите кои што Дуи ги водеше на начин на кој што ги водеше и воедно гледаме дека Дуи одбира со Влен да се бори на не план на реформи и економија туку на културолошки план. “- вели Чилиманов.
„ВМРО-ДПМНЕ и понатаму ќе продолжат да ја задржува контролата на клучните ресори кои ја дефинираат стратешката насока на владата како што се финансиите, внатрешните работи, надворешните работи.“- вели Џенур Исени.
Според експертите , пстанувањето на клучните ресори кај ВМРО-ДПМНЕ е јасен показател дека партијата е подготвена и во следниот период да го носи најголемиот товар во спроведувањето на владините политики.