Во рамки на манифестацијата „Дебарско лето 2026“, што ја организира Општината, во соработка со карате клубот „Дибра“ за првпат во градот беше спроведено полагање испит за карате мајстор (Шодан – црн појас), што претставува значаен успех за дебарскиот спорт.
На настанот присуствуваше и градоначалникот на Дебар, Фисник Меља, кој им честиташе на организаторите за успешно спроведеното полагање и секако успехот на петте млади карате мајстори: Гента Сеља, Сара Дука, Ера Коџа, Влера Сеља и Шејдија Незири.
-Искрени честитки за овој успех, кој слободно можам да кажам дека е последователен во низата успеси. Како локална власт ќе продолжиме да го поддржуваме спортот, овозможувајќи активно учество на спортистите на разни натпревари каде што учествуваат, рече Меља.
Овој успех е постигнат благодаение и на залагањето на тренерот Дурим Пачуку, под чие водство младите каратисти, како дел од македонската карате репрезентација, учествуваат на многу меѓународни натпревари и постигнуваат голем успех.
-Задовството е големо од овој но и сите досегашни успеси на членовите на клубот. Во Дебар, интересот за карате спортот е многу голем. Членовите на овој клуб често се дел од државната репрезентација. Клубот има голема публика и каратето денеска е најуспешниот спорт во градот, и по резултати и по број на спортисти, рече Пачуку, кој е тернер и на државната карате репрезентација.
Испитот се одржа пред стручна комисија предводена од Проф. д-р Алим Хајредини и Лирим Дедеј, кои упатија честитки за овој значаен успех и посакаа многу среќа во понатамошните спортски достигнувања.
Во градот функционираат повеќе спортски клубови. Фудбалот доминираше со години, но во последната деценија каратето стана еден од најпопуларните спортови меѓу младите, постигнувајќи голем успех на локално, државно и меѓународно ниво. Покрај овој постои и карате клубот „Уранику“.
