Работниците од културата секој ден ќе протестираат се додека не го добијат зголемувањето од 12 отсто согласно усогласувањето на платата со минималната од март. Револтот е голем и затоа што 3000 илјади работници во културата, немаат земено плата за минатиот месец и покрај сите пробиени рокови, а од први мај ќе бидат и без осигурување.
- „Не убедуваа дека нас во овој момент не ни следува покачување согласно колективниот договор, бидејки ние во септември минатата година сме добиле 10% покачување од општиот колективен договор. Порачуваме на Министерството за финансии и на Министерството за култура ако ја направило грешката и не предвидело пари во буџетот согласно Колективниот договор за култура тоа да го стори и на овие луѓе овде да им исплати плата и здравствено осигурување во најбрз можен рок“- Вера Атанасовска – претседателка на синдикатот на култура.
На денешниот протест ја повикаа и министерката за култура, Бисера Костадиновска-Стојчевска да признае дека Министерството е тоа кое го креира сопствениот буџет и дека ова усогласување со минималната плата е нивен пропуст, кој сега се удира по грбот на вработените, но таа не се појави.
