Во Демир Капија до 18.30 часот гласале 66.51 проценти од граѓаните со право на глас, на денешните локални избори. Оваа информација ја сподели Евгенија Ѓорѓиев, заменик претседателка на Општинската изборна комисија.
Во Демир Капија вчера гласаа 64 болни и изнемоштени лица, ден пред локалните избори. Денеска се гласа на 11 избирачки места.
-Во единствениот избирачки список се запишани вкупно 3.186 избирачи. Има пет листи за кандидати за градоначалник и шест листи за членови на Совет на Општина Демир Капија, потсети Ѓорѓиев.
Во Росоман до 18.30 часот гласале 71.7 проценти од граѓаните со право на глас, сподели Зоран Костов, претседател на Општинска изборна комисија Росоман.
– Во единствениот избирачки список за општина Росоман, имаме евидентирано 3.295 избирачи. Се гласа на 10 избирачки места, појасни Костов.
Избирачите имаат можност да избираат меѓу четири листи со кандидати за градоначалник и седум листи кандидати за советници во Совет на Општина Росоман.
