Политиките во авиообраќајот даваат резултати, десетици нови дестинации од двата домашни аеродроми и преговори за десетина нови авиолинии за подобар квалитет на животот на граѓаните… Се преговара и за воспоставување на нова линија Скопје – Прага, како и можноста за нова линија Охрид-Карлови Вари, соопштуваат од владејачката партија ВМРО-ДПМНЕ. Оттаму потсетуваат дека за само неколку месеци владата предводена од ВМРО-ДПМНЕ успеа да овозможи десетици дестинации од двата домашни аеродроми, Скопје директно се поврза со Париз, со нова авионска линија Скопје-Париз (Аеродром Орли). Се воведе нова авио линија Охрид-Истанбул. По 12 години повторно се врати линијата Скопје-Амстердам. Нов чартет лет од Германија со кој најмалку 200 туристи секојдневно ќе ја посетуваат Македонија. Најмалку еден лет дневно и меѓу 180 и 200 туристи секојдневно ќе доаѓаат надвор од главната туристичка сезона.
