Лагите, триковите се карактеристика за раководството на СДСМ, поточно на актуелниот претседател Венко Филипче и неговиот струмички гуру Зоран Заев, стои во соопштението на ВМРО-ДПМНЕ.
Филипче сега зборува за некакви црвени линии кон Бугарија, но тој како и неговиот другар Заев се веќе прочитани. Повеќе од очигледно е дека црвените линии на Филипче се само еден подарок од СДСМ за Бугарија, или уште едно попуштање кон Бугарија. Или, уште една бонбона бизнис од СДСМ за Бугарија.
Се сеќаваме на кажувањата на поранешниот премиер на Бугарија, Бојко Борисов дека финансиски ја помогнал СДСМ и тоа директно, поточно преку куферче пари за менторот на Филипче, Заев.
Прашањето сега е, ако Заев земал куферче од Борисов, сега какво куферче земал Филипче?
ВМРО-ДПМНЕ нема да дозволи распродавање на ништо што е од Македонија, или тоа што за Филипче е добро, за граѓаните и за Македонија значи само едно, ново предавство.
За црвените линии на Филипче кои значат само уште еден бонбона бизнис од СДСМ за официјална Софија, сега има пречка, а тоа е ВМРО-ДПМНЕ. Затоа, сега вистинскиот избор е ВМРО-ДПМНЕ.
