Уставниот суд со полна пареа се подготвува за седницата на која ќе се дебатира за Законот за употреба на јазиците, а треба да се одржи средината на март. Се прави листата на членови кои ќе присуствуваат и се чека Венецијанската комисија да го потврди присуството. Се пават напори на подговителната седница да бидат присутни сите судии и оние кои ја напуштија последната седница. На утрешниот работен состанок уставните судии треба да испеглаат сите детали за седницата за употреба на јазиците . Ова го објави пртседателот на судот Дарко Костадиновски на завршната годишна конференција на која даде отчет за сработено на судот.
Седницата најверојатно ќе се одржи на 19 март, откако венецијанската комисија ќе го објави мислењето. Уставен суд веќе пратил покана на седницата да присуствува и член на Венецијанската комсија, но се уште немаат потврда за присуство. Дополнително поканети се и сегашни и поранешни професори по уставно право, поранешни уставни судии, правни експерти, поранешни судии од Стразбур како и сите подносители на иницијативите за Законот. Според најавите на претседателот, листата на оние што ќе присуствуваат на седницата е разнолика. Покрај, законот за јазиците Костадиновски зборуваше и за политичките притиисоци и влијанија врз судот. Тој изјавите на политички фактори за него и за судот ги нарече непримерни. Вели дека политичарите во земјава до 12 часот се водат според европски стандарди, а попладне, според балкански.
Претседателот на уставен, изминатава година ја оцени како година на крупни реформи и политички притисоци во судот. Испрати порака до политичари да ги тргнат рацето од судот, а граѓаните да бидат спокојни бидејќи уставен им ги чува правата и слободите. Тој е задоволен од работата на судот бидејќи последнава година има двапати повеќе поднесениграѓански иницијативе за разлика од минатите година. Исто така, во 2024, судот решил двојно повеќе предмети за разлика од лани.
