Полицијата уапси 59-годишен маж од Скопје осомничен дека примил 10 илјади евра за да посредуваа кај судии и влијае врз одлука во граѓански спор. Тој од април до август годинава ги примил парите. Бил фатен на дело веднаш по давањето на втората рата.
Сведок-пријавител во постапката е управител на правно лице, кој најпрво почнал да добива информации дека спротивната страна во судски спор врши сериозно влијание врз судиите кои одлучувале во првостепените и второстепените постапки, давајќи поткупи за да се донесат одлуки во нивна полза. Сакајќи да ги провери таквите информации, од свој познаник-пензиониран судија добил контакт од обвинетиот, кој му бил претставен како “лице кое ги познава состојбите во судовите и е близок со судии од Апелациониот суд Скопје, информираше МВР.
Осомничениот првично на сведокот и неговиот брат им побарал 16 илјади евра тврдејќи дека другата страна во постапката му давала многу повисоки износи, но дека судиите не сакале да се нафатат за да пресудат нешто што не било правно основано.
Бидејќи сведокот му кажал дека не може да обезбеди толку пари наеднаш, се договориле за исплата на три рати. На 30 април, чувствувајќи дека нема друг избор, сведокот му дал на осомничениот 5000 евра, по што осомничениот го уверувал да не се грижи за исходот и целиот период биле во комуникација во врска со постапката. Во тој период сведокот решил да ја пријави трговијата со влијание и при следната исплата на 5.000 евра, осомничениот е лишен од слобода веднаш по приемот на парите, инмформираше ОЈО.
Обвинителството бара притвор за осомничениот.
