„Менструалната сиромаштија“ во Македонија е загрижувачка. Секоја трета жена не може да си дозволи да ги купи потребните менструални производи.15 % од жените при месечниот циклус користат текстил или хартија- наместо влошки. Гинеколозите алармираат дека Македонија се наоѓа високо на листата на земји кои не успеваат да управуваат со менструалната хигиена.
Со цел на зголемување на јавната свест и намалување на менструалната сиромашнија невладините заедно со ДМ дрогерие маркт во факултетите имаат поставено над 200 диспанзери со хигиенски влошки во женските тоалети на сите државни универзитети во Македонија.
Последните анкети покажуваат дека дури 90% од жените во Македонија се согласуваат дека треба да има бесплатни производи за менструална хигиена, во јавните тоалети, а дури три четвртини се жалат на превисоките цени на менструалните производи.
Семејствата што се со 3 или 4 жени, трошат и до 30% од семејниот буџет за производи за менструална хигиена, лекови против болка и слично.
