Средношколците во улога на пратеници – трет франкофонски парламент на младите во Македонското Собрание

Средношколците се ставија во улога на пратеници. Младите денес седнаа на пратеничките клупи и дебатираа за проблемите што ги засегаат – од дезинформации до невработеност кај младите и врсничко насилство. Во Собранието по трет пат се одржа Младиот франкофонски парламент, работилница која ги собира средношколците што го изучуваат францускиот јазик од различни делови на Македонија, со цел да почувствуваат како функционира парламентарната дебата и да научат да го изразуваат своето мислење.