Членството на Македонија во Европската унија и продлабочувањето на економската соработка меѓу двете држави беа главните теми на кои денеска во Скопје разговараа претседателката Гордана Силјановска Давкова и нејзиниот словачки колега Петер Пелегрини.
Претседателот на Словачка порача дека не е фер она што го прави Европската унија кон Македонија и дека тоа е ризично за самата Унија, бидејќи не се цени она што се постигнува, туку земјата е мета на блокади, уцени и условувања.
Претседателката Силјановска Давкова потенцираше дека денеска само се потврдиле одличните односи меѓу двете држави, кои сега се продлабочуваат, и изрази благодарност за поддршката што ја добиваме на европскиот пат.
