Министерот Спасовски самоуверено ги отфрла и ги нарекува шпекулации сите докази коишто осамнаа во јавноста дека цитроенот и Панче Жежовски се пријавени за исчезнати на 24-ти минатиот месец, а полицијата не трагала по нив. Министерот апелира новинарите да се држат до официјални информации од истрагата бидејќи според него останатите извори се нерелевантни.
Иако опозицијата обелодени дека Цитроенот се движел низ скопската населба Маџари и бил регистриран од камерите на Сејв сити, за министерот сите информации претставуваат шпекулации.
Засега нема конкретен одговор од министерот што точно презела полицијата откако на 24-ти ноември ќерката на Жежовски пријавила дека татко и, но и неговиот автомобил ги нема од 22-ти. Дали возилото е фатено на камерите од Сејф сити од 24-ти до 27-ми ноември, дали полицијата тие денови трагала по Цитроенот, каде се се движело возилото и дали групата осомничени и претходно имале намера да ја киднапираат Вања. Низа прашања се неодговорени, но МВР нема намера да одговара, не само на обвинувањата туку ни на логичните прашања за кои јавноста очекува одгвори.
Во меѓувреме, Македонија нетрпеливо чека на есктрадицијата на првоосомничениот Љупчо Палевски-Палчо за кои надлежните се убедени дека ќе биде во брзо време. Иако според досегашната пракса, Макеодонија и нема добро искуство со екстрадии за тешки кривични дела како убиство.ж
За убиствата на Вања и велешкиот фризер Жежовски се згрози не само домашната јавнсот, туку и целиот регион. Засега шестмина се осомничени. Првоосомничениот е во екстрадициски притвор во Турција, а останатите притворнени во земјава. Полицијата не ја исклучува можноста за проширување на истрагта која би можело да опфати и други лица.
