Во рамките на годишните активности на Парламентарното Собрание на НАТО (НАТО ПА), на 25. годишниот Трансатлантски парламентарен форум, што се одржа од 8 до 10 декември 2025 година во Вашингтон, САД, учествуваше делегација на Собранието на Македонија, составена од: Драган Ковачки, шеф на делегацијата; Илир Хасани, член на делегацијата; Славјанка Петровска, член на делегацијата.
На почетокот на Форумот се обратија: Мајкл Р. Тарнер, шеф на делегацијата на САД во НАТО ПА; Маркош Перестрело, претседател на НАТО ПА; и д-р Бенедета Берти, генерален секретар на НАТО ПА.
Настанот собрал голем број парламентарци од земјите членки на НАТО, како и конгресмени, претставници на Атлантскиот совет.
Форумот претставуваше најголемиот годишен собир на европски и северноамерикански пратеници. Оваа година ги обедини над 130 избрани претставници од сите 32 сојузнички земји на НАТО. Во текот на овие три дена, тој ги собра сојузничките пратеници, високи претставници на САД и НАТО, како и водечки експерти, за дискусии посветени на заедничките трансатлантски безбедносни приоритети.
Во фокус на Форумот беа некои клучни приоритети за трансатлантската заедница од зајакнување на нашата одбранбена индустриска база до поддршка на Украина и продлабочување на глобалните партнерства .
Учесниците дискутираа за глобални предизвици, меѓу кои:
· „Одбранбен арсенал на иднината и зајакнување на одбранбената индустриска база“;
· „Овозможување квантен искорак во колективната одбрана заштита на стратешките ресурси, вклучително и демократските системи, од хибридни закани и принуда“;
· „Овозможување квантен искорак во колективната одбрана – одбранбена индустрија“; и
· „Инвестирање во партнерства и допирање до јавноста во нашето сооседство и понатаму“.
Меѓу обраќањата и предавањата на Формумот, свој говор имаше и Радмила Шекеринска, заменик-генерална секретарка на НАТО, со осврт на современите предизвици и перспективите на трансатлантската безбедност.
На Форумот беа истакнати важноста на кохезивните и координирани акции на НАТО, вложувањата во одбраната и иновативните технологии, како и партнерската политика со региони од посебен интерес за Алијансата.
Учеството на собраниската делегација придонесе кон зајакнување на парламентарната дипломатија и продлабочување на соработката со партнерите во рамките на НАТО ПА, како и кон подобро разбирање на глобалните безбедносни предизвици и стратешките приоритети на Алијансата.
