Деветнаесет годишниот Јован Костадинов, кој спаси 20 животи во пожарот во дискотеката „Пулс“ во Кочани, денес се врати во средното училиште „Ванчо Прќе“ во Виница.
Младиот херој, како што го нарекуваат, беше пречекан од соучениците во училишниот двор со аплаузи, транспаренти и прегратки. Горди на него, учениците и наставниците му посакаа топло добредојде.
Јован беше пуштен на домашно лекување откако помина време на Клиниката за токсикологија. Денес, во своето училиште, доби она што најмногу му беше потребно – поддршка, љубов и признание за своето големо херојство.
