Претседателката Гордана Сиљановска-Давкова денеска ќе се обрати на третиот Форум за културна дипломатија, што се одржува во Собранието под покровителство на поранешниот македонски претседател, Ѓорге Иванов.
Третата сесија во рамки на форумот, чија домаќинка е претседателката Сиљановска-Давкова е насловена „Мали држави, големо влијание: Справување со глобалните предизвици преку заеднички мултилатерализам“.Говорници во дебатата ќе бидат: поранешниот претседател, Ѓорге Иванов, поранешниот чешки претседател, Вацлав Клаус, поранешениот претседател на ГС на ООН, Волкан Бозкир, Розета Епифани од Кабинетот на претседателот на Советот на министри на Италија и Хенри Џонс, претседател на COFR Technologies и советник на државниот секретар на Арканзас.
На форумот вчера се дебатираше на темата „Иднината на демократијата во фрагментиран свет: Како да зајакнат демократските институции“ на која беше заклучено дека културната дипломатија игра голема улога во јакнењето на демократијата, во период кога, како што беше речено, таа е во стагнација, со оглед на големите гео-политички придвижувања.
Настанот го отворипретседателот на Собранието, Африм Гаши, а меѓу говорниците беа поранешниот претседател Иванов, поранешниот претседател на Албанија Реџеп Мајдани, како и поранешниот претседател на Парламентот на Црна Гора Ранко Кривокапиќ, како и Тасмина Ахмет – Шеик, поранешна членка на Британскиот парламент; Давор Филиповиќ, поранешен министер за економија и одржлив развој на Хрватска, Делиа Доминиго Алберт, поранешна секретарка за надворешни работо на Филипините.
