Струга под итно треба да размислува за обезбедување на дополнителни количини на питка вода, а изворите од Шум да се користат исклучиво како златна резерва. Тоа што после еден месец конечно се стабилизира матноста на изворот од кој што со вода се снабдува цела Струга, не значи дека проблемот со водоснабдувањето е решен. Експертите укажуваат доколку не се превземат мерки за санација, прашање на време е кога на стружани повторно од чешмите ќе им тече кал и ќе се соочат со забрана за користење на водата.
“Да го изолираме тој дел каде што сега брзо атмосферската вода продира и има релација со подземите води, тие мерки треба под итно да се направат. Не е едноставно да го исклучите Шум кој што во моментов повеќе од 70 % ги покрива потребите за водоснабдување на Струга. Со таа количина на вода, 50.000 жители со вакви загуби на вода во системот ние треба да имаме јасно дефинирани реструкции за водоснабдувањето”- вели Проф.др Петко Пеливаноски-Градежен факултет Скопје
Градежниот и комунален отпадкој претставуваше серизна опасност за загадување на подземната вода е исчистен, но ресторанот со тоалети и септичка јама, изграден во строго забранета зона ,сеуште работи. Згора на се’ со сомнителен квалитет се и изворите од Горна Белица кои исто така се користат за водоснабдување. Извориштето таму е доградувано од 1996-та до 2010-та година.Има 4 каптажи за вода која со договор за јавни приватно партнерство се користи и за производство на електрична енергија,појаснува Пеливаноски.
“Еден од изворите кои што е дополнитело зафатен кој што е со сомнителен квалитет според изјавите и според приложените докази од Ј.П.” Водовод”. Aко е таква вистина состојбата треба на некој начин тоа да се провери и веднаш таквиот извор кој што има сомнителен квалитет да биде исклучен од системот за водоснабдување на Струга”- вели Пеливаноски
Професорот сугерира да се искористат изворите на Голема река кои се наоѓаат на планината Караорман бидејќи се со одличен квалитет и целосно ќе ги задоволат потребите од водоснабдување на стружани.
