Приведена е сопругата на лекарот во кој вчера беше пукано во Куманово. Полицијата се сомнева дека таа е поврзана со обидот за убиство на 43 годишникот од Слупчане, липковско.
„Во СВР Куманово се повикани шест лица на разговор, а извршен е претрес на една локација“ велат од МВР.
Против сопругата ќе следува соодветна пријава а осомничениот за обидот за убиство, 36 годишник од Гостивар, се уште е во бегство.
Инаку повредениот Зекирија Шахини, кој е и носител на листата на кандидати за советници на коалицијата предводена од ДУИ за Општина Липково, денеска е пуштен на домашно лекување. Шаини има четири прострелни рани во пределот на левата подлактица и десното колено.
Тој е и вработен на скопската Клиника за пулмологија.
