Македонија направи многу отстапки за да стане членка на НАТО, но се уште чека за членство во Европската Унија. По Грција, заради која го сменивме името, на патот ни застана и Бугарија која сака да направиме уставни измени. Во меѓувреме, македонските власти инсистираат на завршување на домашната работа и исполување на реформската агенда за Западен Балкан, со која на државата и следуваат 750 милиони евра од Брисел. Евроамбасадорот, Рокас порача дека се потребни реформи особено во делот на владеење на правото и јавната администрација, за што ќе добиеме помош и од Унијата, затоа што во изминатите години речиси ништо не било направено на ова поле.
