Регулаторната комисија за енергетика откако детално ја скенираше пресметката што универзалниот снабдувач ја достави на проверка, денеска треба да ја соопшти одлуката за новата цена што ќе стартува од 1 јануари.
Помалите потрошувачи од 1 јануари ќе плаќаат поевтина струја. Наводно, се планира намалување од 5 проценти на електричната енергија за корисниците во првиот блок.
Иако согласно добиените барања од компаниите, зголемувањето на цената на струјата би било за 27 проценти, од Регулаторна се децидни дека новиот модел за пристап на мрежа со кој се распределува фер трошокот од потрошувачите кои редовно користат струја со оние кои повремено ги користат објектите, се очекува да донесат пониски сметки во 2024 година.
Станува збор за нова ставка за оние сопственици на викендички, напуштени куќи во планинските и руралните делови на земјата, имоти на лица кои со години се во странство, во иднина на сметките за струја ќе плаќаат фиксен надоместок наречен „пристап до мрежа“ бидејќи одржувањето на мрежата е многу скапо.
Кон овој тренд на паѓање на цените влијае и дневната евтина тарифа, која што стапи на сила од 1 декември, а во наредниот период треба да биде достапна за сите корисници.
