🎥 Пожарите не стивнуваат – битката со пламените јазици во Јасен продолжува

Пожарите не стивнуваат. На едно место се гаси, на друго пламнува. Уште една тешка ноќ за службите. Битката со пламените јазици продолжува. До пладне регистрирани се 10 пожари, од кои шест се активни, а четири под контрола. Се уште се води жестока борба со пожарот во Јасен.
Како што информира ЦУК, ГОИ и во општина Долнени, помеѓу селата Лажани и Кошино, каде е зафатена ниска вегетација, во општина Лозово, село Бекирлија каде гори смрека, во општина Куманово, Серло Романовце каде е зафатена ниска вегетација и стрниште, како и во општина Липково, кај село Слупчане каде се зафатени ниска вегетација и боровa шума и кај село Лојане кон село Миратовце каде гори ниска вегетација и стрниште. Под контрола е пожарот во општина Јегуновце, помеѓу селата Рогачево, Јажинце и Долно Орашје што зафати пасишта и мешана шума.