Украински дронови нападнале во рој врз вилата на рускиот претседател во црноморскиот град Сочи, ноќта откако претседателот се вклучил на онлајн-самит на БРИКС, пишува BBC News. Сепак, не е јасно дали Владимир Путин бил во Сочи за време на нападот, бидејќи ретко ја посетува оваа локација откако трае војната во Украина.
Според наводите на гувернерот на Сочи, освен штети во нападот во вторникот наутро, 9 септември, е убиен еден човек.
Руското Министерство за одбрана соопшти дека биле соборени најмалку 31 дрон, дел од нив над Црното Море, неколку над Крим и други над Краснодарскиот крај, каде се наоѓа и Сочи. Во исто време, Росавијација накратко го затворила аеродромот во градот.
Гувернерот на Сочи, Андреј Прошунін, сподели фотографии од погодените куќи, велејќи дека станува збор за „делумни, но значајни оштетувања“, а жителите биле евакуирани.
