Во Собранието на Република Македонија денеска ќе се одржи 8. Пленарна конференција на Националната конвенција за Европската Унија (НКЕУ-МК) под мотото „Реформи од другата страна на реториката: Регионални предизвици на патот кон Европската Унија“.
Како што информираат организаторите, на конференцијата фокусот ќе биде на иницијативите на ЕУ за зајакнување на регионалната интеграција на Западниот Балкан, особено преку Планот за раст и потребата од усогласени политики и засилена реформска динамика.
Воведно обраќање ќе има претседателот на Собранието, Африм Гаши, а ќе учествуваат пратеници, амбасадори, високи функционери од министерствата и правосудните институции, претставници од Словачка, Албанија и Србија, академици, граѓански организации и работните групи на НКЕУ-МК.
