На Меѓународниот ден за човекови права Обединетата македонска дијаспора ги повика малцинствата да се соочат со оние кои ги прекршуваат и повика Владите на Грција, Бугарија и Албанија да ги преиспитаат своите политики и да ги усогласат со меѓународните стандарди за човекови права.
„Предолго, овие заедници трпеа дискриминација и маргинализација и мора да се преземат итни активности за да се отстранат овие неправди. И покрај напредокот постигнат во глобалната заштита на човековите права, маките на македонските малцинства во одредени региони бараат итно внимание. ОМД ги осудува историските и тековните прекршувања со кои се соочуваат овие заедници и ги повикува владите на Грција, Бугарија и Албанија да ги преиспитаат своите политики и практики за усогласување со меѓународните стандарди за човекови права“, велат од ОМД.
Според Белио овие влади под итно треба да ја исклучатдискриминацијата врз макеоднското население во собразованието, вработувањето и јавните услуги. на ОМД ги повикува владите на Грција, Бугарија и Албанија да ги разгледаат и спроведат следните мерки:
„Признајте и почитувајте го уникатниот културен идентитет на македонските и сите останати заедници заедници, обезбедувајќи зачувување и промоција на нивниот јазик, традиции и наследство. Треба да има олеснување на активното учество на Македонците и останатите малцински претставници во политичките процеси, обезбедувајќи правична застапеност на сите нивоа на власта.
Исто така, владите да воспостават и спроведат транспарентна правна рамка која ги штити правата на малцинствата и гарантира брза правда за какви било прекршувања“, велат од ОМД.
ОМД ја повикува меѓународната заедница да застане во солидарност со македонските и останатите малцинства во Грција, Бугарија и Албанија и да работи колективно за да се стави крај на овие прекршувања.
