Наместо затворски, судот одреди куќен притвор за Борче Марковски – Обвинителството ќе се жали

Наместо мерка притвор, како што барал обвинител, битолскиот суд им одредил куќен притвор на сопственикот на „Марковски компани“, Борче Марковски, и на уште еден осомничен, опфатени во новата истрага за злоупотреби во РЕК „Битола“. Обвинителството ќе се жали и ќе бара најстрога мерка за обезбедување присуство поради ризикот од бегство на осомничените, од кои едниот, како што наведуваат, има значителен имот во друга држава. Против Марковски и уште седум други лица отворена е истрага за местење милионски тендер пред две години.