На вториот ден од октомври, прв снег во Mакедонија. Иако календарски сме на почетокот на есента, зимска силика денеска на повисоките места низ државата. Студениот бран што ја зафати Македонија донесе ниски температури и снег на Стража, Попова Шапка и Маврово. Белата покривка иако тенка, го најави доаѓањето на зимата. Утре метеоролозите велат дека не очекува вистински зимски ден, со ниски температури и дожд, а на повисоките места снег. Студениот бран ќе трае до недела.
Возачите се уште ги немаат подготвено своите возила со зимска опрема, бидејќи таа обрска е задолжителна од 15-ти ноември, па затоа надлежните од АМСМ, препорачуваат посебно да се внимава на сообраќајот и условите на патот.
Влажниот и студен бран се спушта од север. Во соседна Србија на повисоките места снегот веќе направи проблеми и потешкотии во движењето на луѓето. Републичкиот хидрометеоролошки завод на Србија издаде црвено предупредување поради обилни врнежи од дожд и снежни бури. Експертите предупредуваат дека ова е една од најинтензивните октомвриски временски промени во последните години.
Давид Крстевски