На Рамиз Мерко му се стемни од на празно фрлените 110.000 евра за осветлување на Дримот,откако обвинителството поднесе кривична пријава против него. Пропаднаа парите кои струшкиот градоначалник ги потроши за подводно поставување на 300 светилки чиј век траеше кратко,но остави негативни последици,велат природнаучниците.
„Сите речни текови во Македонија претставуваат статички објекти и подрачја за кои мора многу внимателно да се управува.Оваа одлука на судот претставува еден мал чекор кон подобра заштита и управување на целиот охридски регион.Реката Дрим е многу загадена река,река која е под силен еколошки притисок особено во тие гратски партии.Така да секоја форма на заштита на реката придонесува кон нејзино подобро управување “-вели Кирил Арсовски,биолог
За потсетување,пред 4 години Мерко удри по природонаучниците нарекувајќи ги скептици и помпезно со огномет,го пушти осветлувањето.Притоа поистоветувајќи го Дримот со вештачки базен за риби и водни растенија.
„Нема место за критики од страна на еколозите, бидејќи осветлувањето воопшто не не спречува или уништува флора или фауна,наспроти можда е уште подобро, ќе изгледа како аквариум”-изјави Рамиз Мерко на 22 јуни 2021
За овој хир на Мерко и тогаш и сега жестоко реагираат од струшкиот огранок на ВМРО ДПМНЕ.Тие своевремено побараа Антикорупциската комисија и сите други надлежни институции да поведат постапка и да ги разгледаат сите околности на договор меѓу општина Струга и фирмата “ТЕ-ЏИ БМ Електрик “од село Мислодежда.Укажуваа дека истиот не предвидуваше никаква заштита или гаранции кон градот во смисла на квалитетот на вградената опрема.Тие се надеваат дека овој пат ќе го стигне прадата.
Перцепцијата дека постои политиката на неказнивост и спората динамика на судските процеси оставаат впечаток дека некој е над законот или е недопирлив. Се надеваме дека ист епилог ќе имаат и останатите претставки кои со години чекаат разрешница. Јавноста будно ги следи и со негодување реагира на ослободителните пресуди и на ниските парични казни“, велат од ВМРО ДПМНЕ О.К.-Струга:”
Дека Мерко на своја рака го постави осветлувањето потрдија и од Хидробиолошкиот Институт,кажаа дека до нив воопшто не се обратиле од Општина Струга да побараат мислење дали ваквото освелување е штетно за живиот свет во реката Дрим.
