Владата ќе мора да го испочитува потпишаниот договор за набавка на 8 хеликоптери од италијанскиот „Леонардо“ и покрај тоа што конечната цена е висока. Министерот за одбрана Мисајловски вели дополнителни тимови ќе работат за спроведување на набавката, но истоврмено ќе чекаат и Атикоурпциската комисија да ги заврши проверките дали законски е склучена набавката, информациите да ги достави и до нив како засегната страна.
- „Имаме потпишан договор кој чини навистина премногу со „Леонардо“ за пристигнување на осум хеликоптери, и вече вчера имавме еден состанок со амбасадорот и новото атеше, разговаравме за повеќе работи и сега треба да се формираат дополнителни тимови каде ќе започне оваа постапка и за да се почитува договорот. Мислам и дека знаете, имаше една претставка до ДКСК за овој предмет, се уште немаме добиено информации. Еве ако може во оваа прилика да повикам да се разгледа и таа претставка да стигне до нас за да знаеме што се случувало во минатото. Но она што е склучено по договор ние мора да продолжиме да го работиме,а тоа е една огромна набавка преку 300 милиони евра за нови осум хеликоптери. Првиот се очекува да стигне во 2026-тата година“ рече Мисајловски.
Контроверзниот договор со италијанската компанија „Леонардо“ беше склучен на 100 дена пред изборите, но тогашната министерка Петровска тврдеше дека се било според закон. Набавката беше сомнителна бидејќи на тендерот биле пријавени и други светски компании за да и испорачаат на Македонија хеликоптери но сепак изборот паднал на италијанската иако цената е превисока.
Во однос на воената помош за Украин, стигнало ново барање Македонија да и испрати помош. Прво ќе се направи проценка на она што сме дале и како што рече Мисајловски па одобрувањето наскоро ќе се најде на владина седница.
- „Има дополнителен пакет за помош на Украина, мислам дека многу скоро ќе се најде на седница на Влада. Чекаме сите да добијат безбедносен сертификат, бидејќи некои од информациите се со доверлив карактер. Набрзо ќе се пушти таа информација и ќе се обзнани каква опрема ќе се дава. Согласно регулативата, ние секоја година треба да издвојуваме средства за помош на Украина, согласно тоа дека сме членка на НАТО.Важно е овој период да направиме проценка на сето она што сме го дале како земја, бидејќи во овој момент ние сме петти донатор на Украина и тоа ќе продолжи во иднина. Тоа е важно за Украина и важно за нас да покажеме дека сме стабилна членка на НАТО“, кажа Мисајловски.
Одбрана ќе започне и со планирање на буџетот на следната година. Министерот учекува да бидат обедбедени 2,3 отсто од БДП за македонската армија.
