„Ако сум направил нешто компромитирачко или противзаконски, зошто нема пријава против мене?“, ова прашање го отвора премиерот Христијан Мицкоски, по скандалот со тајното следење и обвинувањата на СДСМ за соработка со тајни служби.
„Како тоа сега измислуваат различни изговори, откако се фатени живи, СДСМ едно кажува, Димовски друго, па се заплеткуваат и дават во сопствените тези, така што е јасно како бел ден дека се уплашени. Сакам уште еднаш да им порачам, секој што учествувал во тоа ќе одговара. Ако имало нешто против мене, зарем тие, како бран залетани – би ми простиле, кога половина ВМРО и виновни и невини ги натрупаа во случаи? Сега, пак, се уплашени, а јас со задоволство гледам како се прпелкаат од страв, паника и полни со неизвесност. Не знаат дали некој пропеал, дали сè се знае или само дел, дали ќе има конечна разрешница“, вели Мицкоски во интервјуто. Во врска со разрешницата, вели пратениците прават надзор, обвинителството натаму е одговорно.
