По повеќе од шест часа драматична борба со огнената стихија, пожарот во поранешната текстилна фабрика „Декор Текс“ во Радовиш е целосно изгаснат. Пожарникарите со помош на колеги од Струмица, влегле директно во пламените јазици за да спречат уште поголема катастрофа…Огнот брзо се ширел поради големото количество запалив материјал и машини во магацините, а густ чад и високи пламени јазици го покрија целиот реон. Неколку пожарникари вдишале чад и се здобиле со полесни изгореници. За време на пожарот немало вработени во погонот. Според командирот на противпожарната служба, борбата со огнената стихија не била воопшто лесна.
Причините за избувнувањето на пожарот засега не се познати, а надлежните најавија дополнителна истрага за утврдување на околностите под кои дошло до несреќата.
Поранешниот текстилен гигант во Радовиш – „Декортекс“ важеше за голем индустриски комплекс со производствени хали и магацини, познат по производство на ткаенини, теписи и мебел-штофови. Фабриката сега функционира, но под друго име.. и произведува ткаенини за мебел, домашен декор и теписи.
