Станува ли дискриминирањето на новинари и медиуми опасна пракса на новото раководство на СДСМ? По низата партиски сопштенија полни со лични дисквалификации и напади на новинари, се зачестија и прес конференциите на кои Филипче дрско се пресметува со новинарите. Во последниот случај повторно на мета беше Алфа и повторно не нападна со истиот вокабулар.
„Алфа фејк њуз“, изјави Венко Филипче.
Наместо да одговори дали е точно дека тој и поранешниот премиер Заев преку притосоци и ургенции во Обвинителството сакале да ја преземат болницата „Жан Митрев“, тој не нападна дека шириме лажни вести и обвини за дефокус.
„Еве гледаш, не знаеш ни што ме праша. Нема да одговорам на прашања од кујната на ВМРО-ДПМНЕ. Дефокус фејк њуз Aлфа мене ме обвинуваат дека имам куќа во Нерези, доаѓаше ваш колега новинар, и што се случи таму ништо, и ова е истата работа, имате одговорност за објективно информирање на јавноста, не за вакви црни кампањи и дискредитирање“, изјави Венко Филипче претседател на СДСМ.
И ваквата ситуација како да беше реприза на она што се случи пред десетина дена, кога од Филипче побаравме објаснување за навредливите партиски соопштенија полни со лични дисквалификации за новинари. Наместо одговор, напад.
„Престанете со пропагандата на ВМРО ДПМНЕ, престанете со фејк њуз и дефокусот“, изјави Венко Филипче на 9 јануари 2026.
И за време на предизборната кампања лани, Филипче влегуваше во вербални преметки со новинари. Како одговор на прашањето за тогаш предложена партиска резолуција, следуваше обвинување дека новинарите ги загрозувале националните интереси.
„Не се распродадени никако македонските национални интереси, тоа е само една лажна кампања и сметам дека не треба да ја продолжувате, не треба да ги лажете граѓаните затоа што тоа е сериозна работа со која ги загрозувате националните интереси на граѓаните“, изјави Венко Филипче на 1 септември 2025 година.
СДСМ на прес конференција со графикони правеше анализа и на медиумското покривање на одредени политички теми и јавно етикетираше медиуми. ( инсертираш до прилогот на мери).
„Кујните на ДПМНЕ и нивните медиумски инсталации имаат проблем со вистината“, изјави Богданка кузевска, портпаролка на СДСМ.
Во едно демократско општество прво и основно правило кое треба да го почитуваат партиските лидери е дека треба да се воздржат од етикетирање медиуми и новинари, без разлика на тоа дали им се допаѓа или не прашањето. Нападот на новинари и медиуми е во спротивност со европските вредности кои Филипче се обидува да ги промовира пред граѓаните.