Во просториите на СЕМОС Едукација денеска ќе бидат прогласени победниците на националниот натпревар Microsoft Office Specialist (MOS). На натпреварот учествуваат ученици од околу 20 средни училишта од целата држава, кои ги демонстрираат своите знаења и вештини во користење на Microsoft Office алатките.
Победникот на националниот натпревар, заедно со својот ментор, ќе ја претставува Македонија на Светскиот Microsoft Office Specialist натпревар што ќе се одржи во Калифорнија, САД.
На настанот ќе присуствува и регионалниот директор на Certiport за Централна и Источна Европа, Arek Jaworski, кој ќе им се обрати на присутните и ќе учествува во доделувањето на признанијата.
Светскиот Microsoft Office Specialist натпревар, организиран од Certiport, претставува престижен глобален натпревар кој ги препознава и наградува најдобрите млади таленти во користењето на Microsoft Word, Excel и PowerPoint.
