Каде беа СДСМ седум години да ја обноват противпожарната служба за сега со ребалансот да го бараат тоа? Ова прашање очигледно нема одговор откако опозицијата ги повлече сите амандмани освен оние со кои се барат повеќе пари за заштитна опрема и за семејствата на настраданите во Кочани.
СДСМ не е пример за конструктивни предлози, но ова е добар потег сметаат аналитичарите. Според Александар Ристевски, СДСМ и другите партии од опозицијата требало да ја надминат суетата и да имаат консензус сега и во иднина за важни политички и економски прашања. Конкретно за СДСМ вели дека требало исто вака да бидат конструктивни и кога биле во прашање идентитетот и менувањето на името на државата.
Според Ристевски, власта добро го менаџира справувањето со пожарите и рехабилитацијата на повредените од пожарот во дискотеката во Кочани.
Инаку вчера додека амандманската расправа беше во полн ек, СДСМ ги повлече преостанатите 142 амандмани за ребалансот на буџетот. Образложението на нивната пратеничка група беше дека во услови на сериозни пожари во државата, нормалната дебата не може да тече и парите треба да бидат пренасочени со помош за најзасегнатите. Најавија два амандамани, едниот на Кочани со одредена сума на пари, и вториот за справување со пожарите, пред се вложување во човечките капацитети. За пратеничката на ВМРО-ДПМНЕ Дафина Стојановска, потегот на СДСМ е бегање од реалноста или бегање заради немање аргументи и факти. Таа рече дека најавата за нови амандмани е само доказ дека СДСМ не успеала да издвои пари за овие потреби и е потсетување за она што партијата за 7 години на власт не успеала да го реализира.
