Премиерот Христијан Мицкоски денеска присуствуваше во касарната „Гоце Делчев“ во Општина Аеродром во објектот на Воената Академија „Михајло Апостолски“ каде беше симулиран сајбер хибриден напад.
Одговарајќи на новинарско прашање премиерот Мицкоски соопшти дел од советниците кои ќе заземат финкции.
-Еден од тие кој што беше со би рекол со полно работно време е Проф. д-р Игор Николов. Тој беше мој советник во делот на здравствената политика. Тој договор ќе престане бидејќи во текот на вчерашната седница беше предложен од страна на Владата да биде нов амбасадор на нашата држава во Франција, изјави Мицкоски.
