Блокада пред скопската цементарница под мотото „Без УСЈЕ полесно се дише“

Пред главниот влез на цементарницата Титан Усје попладневно се случи мирен собир на граѓани кои ги испратија своите протестни барања обединети под паролата „Без Усје полесно се дише“.

Станува збор за прва блокада организирана директно пред фабриката, поради што настанот е симболично насловен како „блокада фест“. Граѓаните велат дека со протестот сакаат да укажат на, како што посочуваат, долгогодишните проблеми поврзани со загадувањето и влијанието врз животната средина.