Освен за јавноста познатите информации од синоќешната вечера, според извори на Алфа, тема на разговорите било и како да му се оневозможи на ВМРО-ДПМНЕ да ја однесе победата на претстојните избори.
Имено, според нашиот извор Пендаровски и Ковачевски имале излагање во кое побарале помош во врска со ова од балканските лидери пред претстојните избори.
„Премиерот и претседателот, најмногу Пендаровски, предупредуваше дека на наредните избори ќе се случи голема победа на опозициската ВМРО-ДПМНЕ и побара помош за намалување на резултатот на Мицкоски. Еди Рама и Александар Сорос му дадоа поддршка и го прифатија неговото барање дека сите Албански партии и СДСМ треба да застанат позади еден кандидат на претседатекските избори“ вели нашиот извор.
Како што дознаваме од брифингот, ваквиото барање на Пендаровски било првенствено упатено кон Албин Курти од кој СДСМ минатата недела побара да ја убеди албанската опозиција да нема кандидат на претседателските избори и да го поддржи него. За сега, Курти гледа резервирано кон ваквите барања.
Според нашиот извор, во кабинетот се коментирало дека е разбирливо тоа што никој не му противречел на Ковачевски, затоа што на сите во регионот им одговара слабата позиција која Македонија ја има во моментов и доколку има нова власт истата може да се смени што ќе ги загрози интересите на Албанија, Косово и Србија.
