Единиците на МВР, под раководство на обвинител што постапува во предметот под кодно име „Бункер“, од рано утрината вршат претреси на пет локации во Скопје.
Акцијата, како што информираат од Републичкото обвинителство, е резултат на обезбедени докази во рамки на истражната постапка што се спроведува против членовите на криминалната група „Беланоца-Барон“.
Според непотврдени информации, се вршат претреси во голем број на објекти, во кои живеат лица поврзани со тешки кривични дела, меѓу кои и со убиството на Амар Исмани на „Пластичарска улица“, што се случи во мај 2024-та година, како и убиството на Орхан Бајрами Оки на 15-ти јули 2023-та година, во Ханиоти.
Од Обвинителството најавија повеќе информации во текот на денот.
