600 куршуми биле откриени во автобус на компанијата „Дурмо Турс“, кој бил запрен на граничниот премин „Табановце“. Според информациите, мобилните екипи на Царинската управа вчера изутрина ја заплениле муницијата со калибар наменет за лесно оружје.
Неофицијално се дознава дека запленетата муниција му припаѓа на еден од возачите што го управувале автобусот. Од Обвинителството потврдија дека има истрага.
„Кумановското обвинителство поведе истрага против две лица, на кои, по предлог на обвинителот, им се определени мерки на претпазливост. Продолжуваат да се спроведуваат дејствија за целосно расчистување на настанот и откривање на потенцијална вмешаност на други лица“, соопштија од Јавното обвинителство.
