Во време кога децата сè порано се среќаваат со дигиталниот свет, министерот вели дека нивна заедничка одговорност е да создадат средина во која технологијата ќе биде алатка за учење, креативност и развој, а не извор на ризици истакна Министерот за дигитална трансформација, Стефан Андоновски кој денеска присуствуваше на промотивното прикажување на едукативниот цртан филм „Кликни безбедно“, реализиран во рамките на проектот MKSafeNet – Центар за побезбеден интернет.
-Тука во домот на културата Билјана Беличанец ќе прикажеме 15 минутен анимиран филм наменет претежно за возраст до 15 години, којшто ќе зборува за предизвиците на интернет за безбедноста небезбедноста и кои се потешкотиите со кои што се соочуваат младите на интернет. Се надеваме дека на овој поучен начин со овој анимиран филм кој што е интересен и прилагоден за возраста на децата, ќе успееме да допреме до нивниот начин на зборување до нивните интереси и идеи и како тие од нивната перцепција го восприемаат овој предизвик кој им се случува и ни се случува на сите нас“, истакна министерот информатичко општество Стефан Андоновски.
„Затоа ваквите иницијативи се особено важни – тие ја поттикнуваат соработката меѓу институциите, училиштата и родителите, со заедничка цел: побезбеден интернет за секое дете“, додаде тој.
Андоновски исто така посочи дека анимираниот филм ќе биде достапен во сите училишта низ Македонија, а ќе имаат можност да го прикажуваат и сите телевизии.
