Во Собранието денеска ќе се одржи работилница „Млад франкофонски парламент“ на чие отворање ќе се обратат претседателот на Собранието Африм Гаши, францускиот амбасадор Кристоф ле Риголер, швајцарскиот амбасадор Кристоф Зомер и Иванка Василевска, претседател на Секцијата на Собранието на Македонија во Парламентарното собрание на Франкофонијата.
Потоа ќе следи седница на Младиот франкофонски парламент – едукативна симулација „Имам став!“ под модераторство на Соња Стаменковска, од Парламентарен институт и ќе бидат доделени и сертификати за учество на настанот.
