По десетина телефони се одземаат од притвореници и затвореници во затворот „Шутка“ при контролите кои се прават секојдневно. Но не само тоа. Бројни недозволени предмети пронаоѓа затворската полиција за што се прават дури и вонредни контроли за безбедноста во затворот да биде на највисоко ниво.
Последно што влезе дури и во билтенот на МВР, беше заплената на дрога и поголема количина лекови во „Шутка“ и во најголемиот затвор во Македонија – Идризово.
- „Во КПУ „Идризово“ за време на извршен преглед кај осудениците Д.Т., И.Д. и Н.В. била пронајдена и одземена поголема количина таблети.
Во КПУ „Затвор Скопје“ затворски службеник, за време на редовна обиколка во 22 часот, ги затекнал осудениците Д.В. и Г.А. како консумираат кокаин“ стои во билтенот на МВР.
И во двата случаи полицијата утврдува како таблетите и кокаинот стигнале во затворите. Директорот на Шутка, Бобан Утковски, вели дека во секојдневните контроли полицајците одземаат сѐ што е забрането, а е внесено во ќелиите. Претресите се строги, а затворениците мора да се придржуваат кон правилата.
- „Затворската полиција спроведува континуирани контроли во целата воспитно-поправна установа, главен фокус е спречување за внесување психотропни супстанци и апарати за комуникација, каде што имаме редовна проверка на протокот на лица и одржување на стабилна безбедносната состојба. Во рамките на своите задолженија службените лица остварија значителен напредок во откривањето на психоактивните супстанци и другите недозволиви средства. Секојдневно вршиме прегледи на храна и добра што се внесуваат од надвор, детални проверки при појава на сомнителни неправилности, претреси на просториите доколку се забележат девијации“ вели во изјава за Алфа, Бобан Утковски – Директор на Истражен затвор „Скопје“.
За подобрување на условите во македонските затвори во тек се или завршија повеќе огласи за вработувања. Само во истражниот затвор „Скопје“ треба да се вработат нови 35 затворски чувари со што ќе се надмине голем проблем бидејќи неретко има недостаток на к
- „Паралелно се работи на подобрување и окрупнување на човечкиот фактор. Очекувањата се дека со новите вработувања кои се во тек, дополнителна обука и подигнувањето на персоналниот капацитет ќе бидат целосно реализирани до крајот на годината. Со ваквиот пристап Затвор „Скопје“ се позиционира како установа која решително го трасира својот курс“ рече Бобан Утковски – Директор на Истражен затвор „Скопје“.
За зголемување на безбедноста истражниот затвор летово постави 30 нови висококвалитетни камери. Од три локации во затворот се надгледуваат притвореници и затвореници од висок безбедносен профил, како на пример Љупчо Палевски Палчо и неговата група кои чекаат правосилност на пресудата, групата од Диво Насеље и уапсените членови на нарко картелите во Македонија.
