Претседателот на Собранието Африм Гаши денеска учествува на Доха Форумот 2025 што до 8 декември се одржува во Доха, Катар.
Како што информираат од собраниската прес-служба, темата на овогодишниот форум е „Правдата на дело: повеќе од само ветување за напредок“.
На маргините на Доха Форумот претседателот на Собранието ќе оствари средба со својот хомолог Хасан Бин Абдула Ал-Ганим, претседател на Советот на Шурата на Државата Катар, потоа со Султан Бин Саад Ал Мураики, државен министер за надворешни работи на државата Катар, како и со шеиката Ал Мајаса Бин Хамад бин Калифа-Ал Тани, претседателка на музеите и културното наследство на Катар.
